टिजरमा हेर्नुहोस् मनछुने छोटो फिल्म ‘आराध्या’ |भिडियो
सञ्चारकर्मी रामजी ज्ञावलीको निर्देशनमा बनेको छोटो फिल्म ‘आराध्या’को ट्रेलर टिजर सार्वजनिक भएको छ । टिजरले फिल्म भित्र एउटा अति व्यस्त परिवारमा जन्मिएको बच्चाको मनोभाव र उक्त परिवारको तस्विरलाई चित्रण गर्न खोजेको देखाउँछ ।
यो फिल्मको स्कृप्ट पनि निर्देशक ज्ञावली स्वयंमले लेखेका हुन् । फिल्मको टिजरलाई क्लाइमेक्समा मार्मिक प्रस्तुत गरिएको छ । नियमित फिल्म हेर्ने दर्शकले सुवाती समयबाट क्लाइमेक्स प्रतिक्षा गर्ने वे मा टिजर बनेको छ ।
फिल्ममा अभिनेता आमिर गौतम, सुरविना कार्की, द्रोथी शाह, सफु बुढाथोकी, श्रृष्टि भुषाल, प्रन्जल पौडेल, नारायण कंडेल लगायतका कलाकारको अभिनय समावेश छ । ‘यो कथा एउटा मात्रै परिवारको होइन रै परिवारमा घटिरहेका घटना हो, जसलाई काल्पनिक रुपमा प्रस्तुत गरेका छौं। निर्देशक ज्ञावलीले भने, ‘सार्वजनिक भएपछि हरेक परिवारले आफ्नो सन्तानप्रति अपनत्व भाव दिन्छ ।’
सन्जितकुमार शाहको निर्माणमा बनेको सर्ट फिल्मका कार्यकारी निर्माता राजेश कुमार शाह छन् । राम्रो इन्टरटेनमेन्टको ब्यानरमा निर्माण गरिएको फिल्ममा कलर संयोजन राजेन्द्र मोक्तानले गरेका छन् । नहकुल खड्काको सम्पादन रहेको फिल्ममा संकल्प भुजेको छायांकन छ ।
चलचित्रमा समाबेश एउटा बाल गीतमा आरसी शाहले आवाज दिएकी छन् । उक्त गीतका गीतकार भने जिवन भण्डारी हुन् । विशाल निरौलाको म्युजिक एरेन्जमा तयार उक्त गीत चलचित्र प्रदर्शन भन्दा केहि समय अघि सार्वजनिक गर्ने निर्माण टिमको तयारी छ ।
निर्देशक ज्ञवाली ‘डार्क मुन’, ‘एक लभर’, ‘हनिमुन’, ‘लकडाउन’ लगायत आधा दर्जन सर्ट फिल्म र उल्लेख्य म्युजिक भिडियोको निर्देशन गरिसकेका निर्देशक हुन् ।
