प्रदीप स्टारर ‘प्रकाश’ अफिसियल ट्रेलर रिलिज |भिडियो
प्रदीप खड्का स्टारर फिल्म ‘प्रकाश’को अफिसियल ट्रेलर रिलिज भएको छ । मंगलबार राजधानीमा एक कार्यक्रम गर्दै निर्माण टिमले ट्रेलर रिलिज गर्यो । ट्रेलरमा प्रदीपलाई पुर्णतः जीवन्त अभिनयमा देख्न सकिन्छ ।
दिनेश राउतको निर्देशनमा बनेको यो फिल्म आगामी भदौ १० गते प्रदर्शन हुँदैछ । निर्माण टिमले प्रचार क्यालेन्डर अनुसार नै फिल्मको ट्रेलर सार्वजनिक गरेको हो ।
महेन्द्र अधिकारीको निर्माणमा बनेको यो फिल्ममा प्रदीपसँगै रेनु योगी, प्रकाश घिमिरे, निरज पन्थी, राजन खतिवडा, गोविन्द सुनुवार, रामबाबु रेग्मी, लोकेन्द्र लेखक लगायतको अभिनय छ ।
बिनिस इन्टरटेनमेण्टको ब्यानरमा निर्माण भएको फिल्मलाई विकास सुवेदीले लेखेका हुन् । राजेश श्रेष्ठको छायांकन रहेको फिल्ममा जीवन थापाको सम्पादन छ ।
