सस्पेन्स कथामा बनेको ‘म’ पोस्टर रिलिज
सुवर्ण थापा निर्देशित फिल्म ‘म’ को दुई पोस्टर सार्वजनिक भएको छ । सार्वजनिक पोस्टरमा अनुसार नयाँ अनुहार संजोग रसाईलीको वरीपरी कथा र अन्य पात्रहरु घुमेको अनुमान लगाउन सकिन्छ । संजोग कान्तिपुर फिल्म एकेडेमीका एक्टिङ्ग स्टुडेन्ट हुन् र उनको यो डेब्यु चलचित्र हो ।
निर्माण टिमले केही दिन अघी १ मिनेटको टिजर सार्वजनिक गरेको थियो । उक्त टिजरको आधारमा एक जना क्रिमिनल प्यासेन्ट भएर हस्पिटलमा एड्मिट हुन्छ र त्यसले त्यहाँबाट गर्ने कुनै ठुलै प्लानलाई अपरेसन गर्छ र त्यो को हो, के गर्छ र के का लागि गर्छ भन्ने पत्ता लगाउन सबै पात्रहरु लागेको अनुमान गर्न सकिन्छ ।
सार्वजनिक भएको एक मिनेटको टिजर र पोस्टर अनुसार निशा अधिकारी डक्टर, रुविना थापा नर्स, निराजन प्रधान पुलीस अफिसर, नरेन खड्का ग्याङ्गस्टार भन्ने स्पस्ट देखाईएको छ । अन्य पात्रहरुमा सरोज खनाल, सविन श्रेष्ठ, सरीता लामीछाने र पुनम श्रेष्ठलाई पनी टिजर र पोस्टरमा अटाईएको छ तर उनिहरुको क्यारेक्टर खुलेको छैन ।
टिजर हेर्दा हस्पिटलको एउटै लोकेशनमा चलचित्र अधिकांश दृष्य छायाँकन गरिएको छ । उनले बनाएको ‘सुनगाभा’ समीक्षात्मक रुपमा राम्रो मानीएको थियो भने उनैले निर्देशन गरेको अर्को चलचित्र राधा पनी भदौ १० गतेबाट प्रदर्शन हुदैछ। यो फिल्म ‘म’ को सिनेमाटोग्राफर तेन्जीङ्ग पाल्देन, एडिटर वनिश शाह, निर्माताहरु बिमला हुमागाईं र पदम पुरी हुन् भने फिल्मको राईटर र क्रियटिभ प्रोड्युसर कान्तिपुर फिल्म एकेडेमीका सिईओ प्रकाश पुरी हुन् ।
कान्तिपुर सिनेमाजको प्रोडक्सन र कान्तिपुर फिल्म एकेडेमीको प्रस्तुतीमा निर्माण भएको ‘म’ श्रावण २० गतेबाट प्रदर्शनमा आउदैछ । नेपालमा फिल्म कलेजले निर्माण गरेको यो पहिलो फिचर फिल्म दाबी गरिएको छ ।
