समलिङ्गीको प्रेम कथामा बन्यो ‘मिरा’, ट्रेलर सार्वजनिक |भिडियो

समलिङ्गीहरूको कथामा आधारित रहेर छोटो फिल्म ‘मिरा दी टेल्स अफ लाइफ’ निर्माण भएको छ । हालै उक्त फिल्मको ट्रेलर रिलिज गरिएको छ ।

यो फिल्मलाई अनिता पण्डितले निर्माण तथा निर्देशन गरेकी हुन् । पेशाले सफ्टवेयर इन्जिनियर रहेता पनि कला क्षेत्रमा आएर दर्शकलाई फरक स्वाद दिने उद्देश्यका साथ पण्डितले यो फिल्म निर्माण गरेको बताइन् ।

नेपालमा फिल्मको कथा पक्ष कमजोर भइरहेको आलोचना बढिरहँदा यो विषयमा लामो समयदेखि बहस भइरहेका बेला नेपाली फिल्म क्षेत्रलाई चुनौती दिँदै आफू यस क्षेत्रमा आएको निर्देशक पण्डित बताउँछिन् । फिल्ममा उनी कलाकारको रूपमा पनि देखिएकी छन् । उनलाई अभिनयमा कलाकार अर्नभी ढुङ्गाना, मौसम खड्का र अभिषेकले साथ दिएका छन् । अनिल कटुवालले दृश्य कैद गरेको भिडियोलाई विजेश पौडेलले सम्पादन तथा कलरिङ् गरेका छन् ।