आईफोनबाट खिचिएको सर्ट फिल्म ‘ब्ल्याक रोज’ इन्टरनेट रिलिज

आर्ट फिल्म ‘ब्ल्याक रोज’ युट्युव रिलिज गरिएको छ । आइफोनमा खिचिएको र आइफोनमै सम्पादन गरिएको सर्ट फिल्म हालै इन्टरनेट रिलिज गरिएको हो ।

मौसम सापकोटाको कथा तथा पटकथा रहेको १४ मिनेटको फिल्मलाई विशाल अधिकारीले निर्देशन गरेका हुन् । फिल्ममा मौसम सापकोटा र रेमन सुवेदीको अभिनय छ । फिल्ममा कलाकारहरुको मोनो एक्ट रहेको छ । दुई मुटु, दुई प्रेमीको प्रेम कथामा आधारित रहेर यस आर्ट फिल्म बनाईएको हो, जसमा कलाकारहरुलाई रघु (राघव) र गंगा पात्रका रुपमा प्रस्तुत गरिएको छ ।

विशाल अधिकारी, मौसम सापकोटा, रेमन सुवेदी, सुजन शर्माले खिचेको फिल्मलाई मौसम सापकोटाले सम्पादन गरेका हुन् । फिल्ममा आयन शर्माको संगीत समावेश छ ।