‘प्रेमगीत ३’ दशैं रिलिज घोषणा
कोरोना भाइरसको कहरका बीच पटक पटक घोषित प्रदर्सन मिति स्थगीत गर्दै आएको फिल्म ‘प्रेमगीत ३’ अब आगामी दशैंमा प्रदर्शनमा आउने भएको छ । निर्माण टिमले आगामी असोज ७ लाई प्रदर्शन घोषणा गरेको हो ।
बाहुबली शैलीको पोस्टर सार्वजनिक गर्दै फिल्मलाई घटस्थापनाको तीन दिन पहिले नै रिलिज गर्ने घोषणा निर्माता सन्तोष सेनले गरेका हुन् । सेन र दिवंगत निर्देशक छेतेन गुरुङले यो फिल्मलाई निर्देशन गरेका हुन् ।
प्रदीप खड्का स्टारर फिल्ममा उनिसँगै क्रिस्टिना गुरुङ, शिव श्रेष्ठ, मनिष राउत, अनुभव रेग्मी, सम्वृद्धि शाही ठकुरी, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, योगिशा खत्री लगायत अभिनयमा छन् । दशैंको छेकोमा यसअघि नै फिल्म ‘परदेशी २’ ले प्रदर्शन तोकेको छ भने ‘छक्का पञ्जा ४’ पनि रिलिजको चर्चा छ । यद्धपि ‘छक्का पञ्जा’को सिरिज फ्लोरमा समेत गएको छैन ।
