पोष्ट प्रोडक्सन सक्दै प्रचार तयारीमा ‘सिल्ली फो’ !
आउँदो असार ३१ गतेबाट प्रदर्शनमा आउने फिल्म ‘सिल्ली फो’ले पोष्ट प्रोडक्सनको काम अन्तिम चरणमा पुर्याउँदै प्रचार थाल्ने भएको छ । फिल्मको हालै डविङको काम सकिएको निर्माण टिमले बताएको छ ।
राजबहादुर साने निर्देशित फिल्मको दुई हप्ता पहिले एक पोष्टर सार्वजनिक गर्दै रिलिज मितिको घोषणा गरिएको थियो । फिल्म कमेडी जनरामा आधारित रहेको संकेत पोस्टरले दिएको थियो ।
यो फिल्ममा केकी अधिकारी, धीरेन शाक्य, रवीन्द्र झा, राजाराम पौडेल, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल(मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट(सागर), सौजन बोहोरा जयमन बिश्वकर्माको अभिनय रहेको छ ।
मनोज डिके निर्माता रहेको फिल्ममा विशाल श्रेष्ठ सह-निर्माता छन् । फिल्ममा दिव्य सुवेदी, वीरेन्द्र परियार, नरेन्द्र आलेको, छायांकन, देव महर्जनको द्वन्द्व, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’को सम्पादन, अनन्त घिमिरेको कलर, मदन बास्तोलाको भीएफएक्स, साहिल खानको ट्रेलर,। फिल्मलाई वितरणको जिम्मा श्रीराम बालाजी फिल्मसले लिएको छ ।
