फ्राइडे रिलिजः पर्दामा ‘षट्कोण’ भर्सेज ‘लक्का जवान’
शुक्रबारबाट देशभरका फिल्म हलहरुमा दुई नेपाली फिल्म प्रदर्शनमा आएका छन् । फिल्म ‘षट्कोण’ र ‘लक्का जवान’ले शुक्रबारबाट प्रदर्शन थालेका हुन् ।
मल्टिप्लेक्स र सिंगल स्कृनमा एकसाथ प्रदर्शनमा आएका दुबै फिल्म विदेशी भाषाको फिल्मबाट नेपाली दर्सक तान्ने प्रयत्नमा हुनेछन् । पछिल्ला केहि हप्तायता हलहरुमा विदेशी भाषी फिल्मको वर्चस्व छ ।
मिलन डि काप्रीको निर्देशन रहेको ‘षट्कोण’ सस्पेन्स थ्रीलर जनरामा आधारित छ । भोलाराज सापकोटा र कर्मा शाक्य फिल्ममा लिड अभिनयमा छन् ।
यस्तै शिवहरी पौड्यालको निर्देशनमा बनेको ‘लक्का जवान’ कमेडी जनराको फिल्म हो । यो फिल्ममा मदनकृष्ण श्रेष्ठ, प्रियंका कार्की, शिवहरि पौड्याल, राजाराम पौडेल, दिलीप रायमाझी, सलोन बस्नेत र वर्षा सिवाकोटी मुख्य अभिनयमा छन् ।
