राम्जी र कुलेन्द्र साँची राखेर कस्तुपले गाए ‘हाम्रो कांग्रेस राम्रो कांग्रेस जनताको साथी’ |भिडियो
देशमा स्थानीय निकायको निर्वाचनले राजनीतिक सरगर्मी बढिरहेको छ । उम्मेदवारी दर्तासँगै विभिन्न तह र तप्काका व्याक्तित्वहरु प्रचार प्रसारमा व्यस्त छन् । आफ्नो उम्मेदवारलाई जिताउन तल्लिन छन् ।
यो बीचमा प्रचारका विभिन्न संयन्त्रहरु प्रयोग हुनु स्वभाविक हो । राजनीतिक दलबाट र स्वतन्त्र रूपमा प्रतिस्पर्धामा नेताहरु उत्रिंदा आफ्नो आफ्नो पक्षमा आस्था राख्नेहरु प्रचारमा छन् । यो बीचमा कलाकर्मीहरु विभिन्न प्रकारका चुनाबी गीत तयार गरेर जनतामाझ आइरहेका छन् ।
हालै चर्चीत गायक कस्तुप पन्तले नेपाली कांग्रेसको समर्थनमा चुनाबी गीत दर्शक श्रोतामाझ ल्याएका छन् । ‘लहरे पिपल’ नाम दिइएको ‘हाम्रो कांग्रेस राम्रो कांग्रेस जनताको साथी’ बोलको गीतमा कस्तुपसँगै गायक द्वय राम्जी खाँड र कुलेन्द्र विश्वकर्माको स्वर छ ।
गीतमा कस्तुपले एकल रूपमा शब्द लेखनसँगै संगीत संयोजन गरेका छन् । स्थानीय निकायको निर्वाचनलाई मात्रै लक्षित नभई सदावहार रूपमा कांग्रेसको समर्थन र कांग्रेसले गरेका राम्रा कामको जनतालाइ थाहा दिन गीत ल्याएको कस्तुपले बताए ।
