रिलिज मिति तोक्दै ‘आँधी तूफान २’ पोस्टर सार्वजनिक
आगामी श्रावण २० गतेलाई प्रदर्शन मिति तोक्दै फिल्म ‘आँधी तूफान २’को पोस्टर रिलिज गरिएको छ । सार्वजनिक पोस्टरमा फिल्ममा लिड कलाकार हाबी छन् ।
सस्पेन्स थ्रिलर कथामा फिल्म तयार भएको निर्माण टिमले जानकारी दिएको छ । महिला एक्शन प्रधान फिल्मले नारी शक्तिको कथा बोल्ने निर्माता तथा लेखक मौनता श्रेष्ठले बताए । २०६३ सालमा निर्माण भएको हिट सिनेमा ‘आँधी तूफान’को सिक्वेललाई यस पटक मदन घिमिरेले निर्देशन गरेका छन् ।
ओम साई भक्त मुभि प्रालीको ब्यानरमा निर्माण भएको यो फिल्ममा रवी गिरी, पुस्कर राउत, संचीत भण्डारी, आरती आचार्य, सोनी बिसी, याङ्शु श्रेष्ठ, विन्दीया ठकुरी, रुपा केसी, ऋचा थापा, चक्र राई, संजय खतिवडा, कनिज कोइराला, सपना श्रेष्ठ, राजु घिमिरे, शत्रुधन अन्सारी, जोया बुढाथोकी, मुकेश कपाली, योचिना खड्गी, अची श्रेष्ठ, सुदीप आचार्य र बालकलाकार अरुण कालिराजको अभिनय रहेको छ ।
फिल्मको कथा पटकथा तथा संवाद सवै मौनताको नै हो भने रामशरण उप्रेती छायांकनमा छन् । यो फिल्मलाई आरआर फिल्मस् ले नेपालभर वितरण गर्ने जिम्मा लिएको छ ।
