इन्जिनियरसँग वर्षाले कसिन् लगनगाँठो
अभिनेत्री वर्षा शिवाकोटी वैवाहिक बन्धनमा बाँधिएकी छिन् । शुक्रबार राजधानीको नागार्जुन स्थित रेसु भिल्लामा वर्षाको वैवाहिक समारोह चलिरहेको छ । प्राप्त जानकारी अनुसार वर्षाले इन्जिनियर आशिष गेलालसँग बिहे गरेकी हुन् ।
आशिष अमेरिकालाई कर्मथलो बनाएर इन्जिनियरिङ पेशामा सकृय रहेको बताइएको छ । पारिवारिक सहमतिमा भएको विवाह अघि वर्षा आशिषलाई भेट्न र बुझ्न अमेरिका पुगेकी थिइन् । केहि हप्ता पहिले मात्रै नेपाल फर्केकी वर्षाले शुक्रबार गुपचुप बिहे गरेकी हुन् ।
वर्षाको बिहे कार्यक्रममा दुई पक्षमा पारिवारिक सदस्य र नजिकमा आफन्त मात्रै उपस्थित रहेको बताइएको छ । आशिष मोडल तथा टिकटक क्विन प्रिन्सी र प्रिज्मा खतिवडाका आफन्त हुन् । प्रिज्माले सामाजिक सञ्जालमा आशिषसँगको बेहुला अबतारसहितको स्टोरी सेयर गरेकी छिन् । वर्षालाई भने देखाइएको छैन ।
तश्विरः प्रिज्मा खतिवडाको फेसबुक स्टोरी/गूगल
