शोभितको निर्देशनमा ‘हाम्रो स्वर्गको’ छायांकन जुम्लामा सुरू
शोभित बस्नेतको निर्देशनमा बन्न लागेको फिल्म ‘हाम्रो स्वर्गको’ले जुम्लाको पटमाराबाट छायांकन सुरू गरेको छ । फिल्ममा मेनुका माझी, नबदत्त न्यौपाने, सुइन्जा सुनाम, शान्ता दाहाल, लाल बाहादुर रोकाया ललित जङ्ग महत,लगाएत कलाकारको मुख्य भुमिका रहनेछ ।
यो फिल्ममा ज्ञानकुमार कट्टेलको छायांकन, गौतमराज खड्काको सम्पादन रहनेछ । निर्देशक बस्नेतका अनुसार फिल्ममा यार्सागुम्बा टिप्ने मान्छेहरुको कथालाई चित्रण गरिनेछ । कर्णाली प्रदेशबासीको भाषा भेषभुषा र रहनसहनलाई प्रस्तुत गरिने फिल्मले एउटा पृथक र वास्तविक कथा भन्ने निर्देशक बस्नेतले बताए ।
फिल्म कर्णाली प्रदेशका हुम्ला जुम्ला डोल्पा मुगु कालिकोट जाजरकोट लगायत १० वटै जिल्लामा छायांकन गरिने निर्माण टिमले बताएको छ । एनएसके मिडिया नेपालको व्यानरमा निर्माण हुने फिल्ममा शान्ता शर्माको लगानी छ ।
