पूजा र आकाशको ‘सम्झना बिर्सना’ ट्रेलर रिलिज |भिडियो
पूजा शर्मा र आकाश श्रेष्ठ स्टारर फिल्म ‘सम्झना बिर्सना’ को ट्रेलर रिलिज भएको छ । सोमबार सार्वजनिक ट्रेलर प्रेम, रोमान्स,सेन्टिमेन्टस् सस्पेन्ससँगै कमेडी मिश्रित छ ।
जेठ ६ लाई प्रदर्शन मिति तोकेको फिल्मलाई निमेष प्रधानले निर्देशन गरेका हुन् । अद्वितिय प्रधान र रेविका प्रधान निर्मातामा छन् । यो फिल्ममा पूजा र आकाशसँगै सुनील थापा,छुल्ठिम गुरुङ,शिसिर राणालगायतका कलाकारले अभिनय गरेका छन् । दार्जिलिङ,सिल्गुडी तथा सिक्कीमका बिभिन्न रमणीय स्थानमा खिचिएको फिल्मको कथा र पटकथा निर्देशक निमेषकै हो भने सम्वाद लेखनमा उनलाई शिसिर राणाले सघाएका छन् ।
दर्शकहरुले औधि मन पराएको पूजा र आकाशको जोडीलाई दर्शकले एउटै फिल्ममा हेर्न नपाएको धेरै भएको छ । अधिकांश दर्शकले उनीहरुलाई सँगै भएको हेर्न चाहेका छन् । सोही सन्दर्भमा केही दिनअघि सार्वजनीक यो फिल्मको ‘परेलीमा’ बोलको गीतले पनि दर्शकको मन जितिरहेको छ । ट्रेलरले फ्यानहरुमा अझै खुशीयाली ल्याउने विश्वास निर्माण पक्षको छ ।
आदित्य फिल्म्स्को प्रस्तुति रहेको ‘सम्झना बिर्सना’ शिब ढकालले खिचेका हुन भने सम्पादन तारा थापा ‘किम्भे’ ले गरेका छन् । यो फिल्मलाई आरआर फिल्मस् ले प्रदर्शनको अधिकार लिएको छ ।
