‘ए मेरो हजुर ४’ : तीन दिनमा साढे २ करोड कलेक्सन !
नयाँ वर्ष २०७९ को अबसरमा रिलिज भएको अनमोल केसी स्टारर फिल्म ‘ए मेरो हजुर ४’ ले प्रदर्शनको पहिलो तीन दिनमा देशभरबाट झण्डै साढे २ करोड कलेक्सन गरेको निर्माण टिमले बताएको छ । आइतबार सार्वजनिक गरिएको ग्रस बिजनेसमा फिल्मले पहिलो विकेण्डमा २ करोड ४३ लाख कलेक्सन गरेको उल्लेख छ ।
रिलिजको पहिलो दिन ८० करोड ग्रस कलेक्सन गरेको वितरण कम्पनिले आँकडा प्रस्तुत गरेको थियो । तीन दिनको औसत निकाल्दा फिल्मले लगातसर ८० करोड आसपासको बिजनेस गरेको सार्वजनिक डिजिटले बोल्छ ।
दक्षिण भारतीय फिल्म ‘केजिएफ २’ले मल्टिप्लेक्समा अधिकांश ठुला स्कृन ओगट्दा बाँकी रहेर यो फिल्मले प्राप्त गरेका सबैजसो शोजहरु लगातार तीन दिन नै हाउसफूल बनेका थिए । सिङगल स्कृनमा फिल्मप्रति दर्शकको उल्लेख्य क्रेज देखिएको थियो ।
झरना थापाको निर्देशन तथा सुनिलकुमार थापाको निर्माणमा बनेको फिल्ममा थापा पुत्री सुहाना थापा लिड अभिनेत्री छिन् । फिल्मले समिक्षकहरुबाट भने मिश्रित समिक्षा पाएको छ ।
