‘सम्झना बिर्सना’को परेलीः आकाशको अंगालोमा रोमान्टिक पूजा |भिडियो
फिल्म ‘सम्झना बिर्सना’मा समावेश रोमान्टिक गीत सार्वजनिक भएको छ । आगामी जेठ ६ गतेलाई प्रदर्शन मिति तय गरेको फिल्मको निर्माण टिमले गीत सार्वजनिक गर्दै प्रचार थालनी गरेको हो ।
सार्वजनिक ‘परेलीमा’ बोलको गीतमा अभिनेता आकाश श्रेष्ठ र अभिनेत्री पूजा शर्मा फिचर्ड छन् । गीतमा स्वर अञ्जु पन्त र निमेश प्रधानको छ भने शब्द संगीतको काम पनि निमेशले नै गरेका छन् । भिडियोमा कोरियोग्राफी कमल राईको छ ।
फिल्मको प्रस्तुतकर्ता अद्वितीय प्रधान हुन् भने निर्मातामा रेबिका प्रधान छन् । कार्यक्रममा निर्देशक निमेषले आफ्नो फिल्ममा नौलो प्रेमकथा प्रस्तुत गरिएको बताए । गायक,गीतकार र संगीतकारसमेत रहेका निमेषले आफ्नो फिल्मले दर्शकलाई भरपुर मनोरञ्जन दिने दाबी गरे ।
आरआर फिल्मस् ले बितरण गर्ने फिल्ममा पूजा र आकाशका साथमा सुनील थापा,शिशिर राणा, छुल्ठिम गुरुङलगायतका कलाकारले अभिनय गरेका छन् । दार्जिलिङ,सिल्गुढी तथा सिक्कीमका रमणीय स्थानमा खिचिएको फिल्मको कथा र पटकथा निर्देशक निमेषकै हो भने सम्वाद लेखनमा उनलाई शिशिर राणाले साथ दिएका छन् ।
