कर्मा र भोलाराज स्टारर ‘षट्कोण’ टिजर सार्वजनिक |भिडियो

कर्मा शाक्य र भोलाराज सापकोटा अभिनित फिल्म ‘षट्कोण’को टिजर सार्वजनिक गरिएको छ । यो फिल्म साइकोलोजिक थ्रिलर जनरामा निर्माण भएको निर्माण कम्पनिले बताउँदै आएको छ ।

टिजरमा कर्मा एक मर्डर मिस्ट्रीको खोजीमा लागेको पत्रकारको भुमिकामा देखिएका छन् । मिलन डि काप्रिले निर्देशन गरेको फिल्म क्लेमेन्टाइन प्रोडक्सन र ट्राभलर्स क्रिउ फिल्मस् को व्यानरमा तयार भएको हो । यो फिल्ममा कर्मा र भोलाराजका अलावा लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको मुख्य अभिनय रहेको छ ।

शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् । यो फिल्ममा आङ्छेन लामाको छायांकन समावेश छ भने सम्पादन सागर खनाल र निर्देशक मिलन डि काप्रिले गरेका छन् । आर आर फिल्मस् ले वितरण गर्ने यो फिल्म आगामी वैशाख २३ मा दर्सकमाझ आउनेछ ।