कर्मा स्टारर ‘षट्कोण’ पोस्टर रिलिज, प्रदर्शन मिति घोषणा
साइकोलोजिकल थ्रिलर फिल्म ‘षट्कोण’को प्रदर्शन मिति घोषणा गरिएको छ । सिनेमा आगामी बैशाख २३ गतेबाट प्रदर्शन आउनेछ । फिल्मको सार्वजनिक पोस्टरमा सिनेमाका मुख्य अभिनेता कर्मालाई प्रस्तुत गरिएको छ ।
क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्मका निर्देशक मिलन डि काप्री हुन् । उनले यही फिल्मबाट नेपाली फिल्म निर्देशनमा डेव्यु गर्दैछन् । कोरोना महामारी अगाडी नै निर्माण भएको सिनेमाको सम्पुर्ण काम सकेर रिलिज मिति घोषणा गरिएको निर्देशक काप्रीले बताए ।
यो फिल्ममा कर्माका अलवा भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको अभिनय रहेको छ । शिशिर लिम्बु वानेमको कथा तथा पटकथा रहेको सिनेमाको संवाद महेश दवाडीले लेखेका हुन् ।
फिल्ममा आङ्चेन लामाको छायांकन, सागर खनाल र निर्देशक मिलन डि काप्रीकै सम्पादन छ । आरआर फिल्मस् ले यो फिल्मको वितरण अधिकार लिएको छ ।
