भोजपुरीमा नरेनको दमदार डेब्यू, एक्सनले भरिपुर्ण ‘रण’ ट्रेलर रिलिज |भिडियो
अभिनेता नरेन खड्का स्टारर भोजपुरी फिल्म ‘रण’को ट्रेलर सार्वजनिक भएको छ । भोजपुरीमा नरेनले दमदार डेब्यू गरेका छन्, फिल्मको सार्वजनिक ट्रेलर यसै बोल्छ ।
भिन्न गेटअप र लुक्समा देखिएका नरेन ट्रेलरभरी छाएका छन् । ट्रे्लर पुर्णतः एक्सन प्रधान बनाइएको छ । कोभिड महामारीको बीच छायांकन भएको यो फिल्मबाट नेपाली अभिनेता खड्काले भोजपुरी डेब्यू गरेका थिए । त्यसपछि उनले अर्को फिल्म ‘माही’ समेत गरिसकेका छन् ।
नेपाली निर्देशन चन्द्र पन्तले यो फिल्म बनाएका हुन् । पन्त पछिल्लो समय भोजपुरीमा जमेका निर्देशक हुन् । उनि ‘ह्रस्व दिर्घ’बाट नेपाली फिल्म निर्देशनको डेब्यू तयारीमा छन् । फिल्ममा प्राविधिकतर्फ पनि नेपाली फिल्मकर्मी नै हाबी छन् । शाहिल खानले ट्रेलर तयार पारेका हुन् । फिल्ममा सम्पादन अर्जुन जिसीको छ ।
निर्देशन पन्तको नै कथा र पटकथा समावेश फिल्ममा नरेनसँगै आनन्द ओझा, काजल रगवानी, सिपी भट्ट, मनोज टाइगर, देव सिंह लिड अभिनयमा छन् । अरुणकुमार मिश्रले फिल्म निर्माण गरेका हुन् । यो फिल्मको प्रदर्शन मिति भने सार्वजनिक गरिएको छैन ।
