प्रताप र दीपाले गाए ‘ठगराज’को गीत
लक्ष्मण सुवेदीको निर्देशनमा बन्दै गरेको फिल्म ‘ठगराज’ को पहिलो गीत रेकर्डिङ्ग भएको छ । आईतबार रेकर्ड गरिएको गीतमा दीपक शर्माको संगीत छ । ‘माया बसेको रैछ’ बोलको गीतको शब्द निर्देशक सुवेदीले नै लेखेका हुन्। गीतको एरेन्ज शिवराम रसाइलीले गरेका हुन् । माया प्रेमको गीतमा प्रताप र दीपाको स्वर रहेको छ।
गोल्डेन स्टेट मुभी मेकर्स एलएलसी क्यालिफोर्नियासँगको सहकार्यमा दिलासा क्रिएसनको ब्यानरमा निर्माण हुने यो फिल्म आगामी जेठमा छायाँकन गर्ने तयारी निर्माण युनिटको छ । सामाजिक कथावस्तुमा निर्माण हुने फिल्मको कलाकार तथा प्राविधिक टिम छनोट कार्य भईरहेको निर्देशक सुवेदीले बताए ।
निर्देशक सुवेदीकै लेखन तथा लगानीमा बन्ने फिल्म मानिसको जीवनको यथार्थसँग नजिकसँगै कमेडी, लभ र सेन्टिमेन्टको संयोजन तयार हुने सुवेदीले बताए ।
