पूजा र आकाश स्टारर ‘सम्झना बिर्सना’ रिलिज घोषणा, आरआर फिल्मस् ले लियो वितरण अधिकार

फिल्म ‘सम्झना बिर्सना’को प्रदर्शन घोषणा भएको छ । निर्माण टिम र वितरण कम्पनि आर आर फिल्मबीचको सम्झौता आदान प्रदानसँगै यो फिल्मको रिलिज मिति सार्वजनिक गरिएको हो । फिल्म आगामी जेठ ६ गते दर्शकमाझ आउनेछ ।

पछिल्लो समय एकपछि अर्को गर्दै ठुला ब्यानरका फिल्म आफ्नो पोल्टामा पार्दै वर्चस्व कायम गरेको वितरण कम्पनि आर आर फिल्मस् ले निर्माण टिमलाई जेठ ६ को मिति प्रदान गरेको हो ।

पूजा शर्मा र आकाश श्रेष्ठ स्टारर फिल्मलाई निमेश प्रधानले निर्देशन गरेका छन् । रेविका प्रधान र आदित्य प्रधानको निर्माणमा बनेको फिल्ममा सुनिल थापा, शिशिर राणा, छुल्ठिम गुरुङ पनि लिड अभिनयमा छन् । फिल्मको कथा पनि निर्देशन प्रधानको नै हो ।