शान्तिको ‘बिरानो शहरमा’ मा राजेश हमाल |भिडियो

अभिनेता राजेश हमाल स्टारर म्युजिक भिडियो ‘बिरानो शहरमा’ रिलिज गरिएको छ । गजलकार शान्ति शर्माले कोरेको शब्दमा गायक स्वरूपराज आचार्यको सुमधुर आवाज सुन्न सकिन्छ । वरिष्ठ सङ्गीतकार दीपक जङ्गमको लय सिर्जना रहेको गीतमा देवेन्द्र नेवाको सङ्गीत संयोजन समावेश छ ।

प्रेम, मिलन र बिछोडका विषयवस्तुलाई कलात्मक रूपमा उतारिएको भिडियोलाई निर्देशक निशान घिमिरेले निर्देशन गरेका हुन् । भिडियोमा महानायक राजेश हमालसँगै सर्जक स्वयं शान्ति शर्मा, सुशीला थापा, रोहित बस्नेत र नारायण अधिकारीको अभिनय छ। मुकेश हुमागाईँले खिचेको भिडियोलाई निर्देशक स्वयमले सम्पादन गरेका छन् ।

गीतकार शान्ति शर्माको यस अघि नै ‘अम्लान फूल’ गजल संग्रह, ‘बार्दलीमा जून’ मुक्तक संग्रह लगायतका कृतीहरू पाठकहरूले मन पराइसकेका छन् ।