स्वस्तिमा स्टारर ‘चिसो मान्छे’ टिजर सार्वजनिक |भिडियो
केहि हप्ता पहिले सार्वजनिक पोस्टरबाट चर्चा कमाएको फिल्म ‘चिसो मान्छे’को टिजर ट्रेलर रिलिज भएको छ । निर्माण कम्पनि डिएस डिजिटलले शुक्रबार फिल्मको टिजर सार्वजनिक गरेको हो ।
सार्वजनिक टिजरमा अभिनेत्री स्वस्तिमा खड्का, अभिनेता अर्पण थापा, देशभक्त खनाल फिचर्ड छन् । १ मिनेट १५ सेकेण्ड लामो टिजरमा पुर्णतः कर्णाली भेगको भाषा व्यक्त छ । पश्चिमेली लुक्समा स्वस्तिमा देखिन्छिन् ।
अमृत पाण्डेको प्रस्तुति र दिपेन्द्र के खनालको निर्देशनमा बनेको फिल्मलाई शर्मिला पाण्डेले निर्माण गरेकी हुन् । फिल्मको छायांकन पनि निर्देशक खनालले नै गरेका हुन् भने सम्पादनमा दिर्घ खड्का छन् ।
उल्लेखित कलाकारसँगै यो फिल्ममा आशान्त शर्मा, प्रभाकर न्यौपाने, रामबाबु रेग्मी, झकेन बिसी, सञ्जोग रसाईली, पुष्प अवस्थी, श्रृष्टि आचार्य लगायत अभिनयमा छन् । आगामी असार ३ ( जुन १७)मा यो फिल्म प्रदर्शनमा आउनेछ ।
