मल्टिस्टारर ‘लाखे’ रिलिज घोषणा, आर आर फिल्मस् ले खरिद गर्यो वितरण अधिकार
मल्टिस्टारर फिल्म ‘लाखे’को प्रदर्शन मिति घोषणा भएको छ । निर्माण कम्पनिले प्रदर्शन (वितरण) अधिकार बिक्री गर्दै फिल्मलाई आउँदो वर्षको भदौ ३१ गते प्रदर्शनमा ल्याउने निर्णय गरेको हो ।
यो फिल्मको वितरण अधिकार आर आर फिल्मस् ले खरिद गरेको छ । वितरण कम्पनिका प्रमुख रोहित कट्टेलसँगै रत्न श्रेष्ठ र फिल्मका कार्यकारी निर्माता हरि मल्ल ठकुरीले सम्झौता पत्र आदानप्रदान गरेका हुन् । आर आर फिल्मस् पछिल्लो समय नेपालमा ठुला ब्यानरका फिल्म वितरण अधिकार खरिद गरेर अग्र पङ्ग्तिमा आएको कम्पनि हो ।
गणेश मल्ल ठकुरीको प्रस्तुतिमा निर्माण भएको यो फिल्मका निर्देशक सम्राट बस्नेत हुन् । सिजन अर्याल निर्मातामा छन् । फिल्मको हालै मात्र सम्पुर्ण छायांकन सकिएको निर्माण टिमले बताएको छ ।
यो फिल्ममा सौगात मल्ल, अनुपविक्रम शाही, आर्यन अधिकारी, वर्षा राउत, अर्पण थापा, सुशील सिटौला, प्रशान्त ताम्राकार, विजय बराल लिड अभिनयमा छन् । ग्लोवल मिडिया एण्ड रिसर्च सेन्टर र औरियन प्रोडक्सनको ब्यानरको तर्फबाट ‘लाखे’ निर्माण भएको हो ।
