दीयाको प्रेम पाउन सौगातको दौडधुपः ‘मन्त्र’ ट्रेलर रिलिज |भिडियो
वैशाख १६ लाफ प्रदर्शन मिति तय गरिएको फिल्म ‘मन्त्र’को ट्रेलर रिलिज गरिएको छ । आइतबार राजधानीमा आयोजित एक कार्यक्रमका बीच सौगात मल्ल,बुद्दि तामाङ र दिया पुन स्टारर फिल्मको ट्रेलर सार्वजनिक गरियो ।
सार्वजनिक ट्रेलरमा टिपिकल हिमाली भेगको प्रेम झल्काइएको छ । सौगात मल्ल ट्रेलरभरी हाबी छन् । गोर्खा सिरानचोक एण्ड लिगलिग कोट फिल्मस् प्रा.लि.को ब्यानरमा बनेको फिल्मका निर्देशक खिल बहादुर गुरुङ हुन् ।
करिब ५१०० मिटर भन्दा माथिको उचाइ मनास्लु हिमालको बेस क्याम सम्म पुगेर निकै नै मेहनतका साथ फिल्मको छायाँकन गरिएको निर्देशक गुरुङले बताए । अभिनेता सौगात मल्लले छायांकनको क्रममा भएको रमाइला अनुभव शेयर गरे ।आफुले काम गरेको पछिल्ला फिल्महरु मध्येमा ‘मन्त्र’ आफुलाई एकदम मन परेको फिल्म हो,’ सौगातले भने।
चलचित्र गोरखाको मनास्लु क्षेत्र आसपासको कथाबस्तुलाई आधार बनाएर निर्माण गरिएको छ । मनास्लु क्षेत्रमा पहिलो पटक छायांकन गरिएको फिल्ममा गोर्खा जिल्लाको चुमनुब्री सामा गाउँ,बिरेन्द्र ताल र पुङ्गिन गुम्बा लगाएतका रमणीय दृश्यहरु कैद गरिएको छ।
फिल्ममा नमिता घिसिङ्ग,बिर बहादुर लामा,पासाङ्ग टि शेर्पाको पनि मुख्य भूमिका छ । देबेन्द्र मानन्धर कार्यकारी निर्माता रहेको ‘मन्त्र’मा रविराज कार्की,सुरेश कार्की र सुभ श्रेष्ठको लगानी रहेको छ ।
साम्तेन भुटिया,सुनिल नेउरे,परिच्छेद सेनले लेखेको फिल्ममा सन्तोष सुनारको संगीत, संजय लामाको छायांकन र मित्र डि गुरुङको सम्पादन छ । काठमाडौँ बाहिर एफडि कम्पनि र उपत्यकामा गोबिन्द शाहीले यो फिल्मलाई वितरणको अधिकार खरिदेका छन् ।
