यार्सा टिप्नेहरुको कथामा ‘हाम्रो स्वर्ग’ बन्ने, शोभितले निर्देशन गर्ने
निर्देशक शोभित बस्नेतको निर्देशनमा नयाँ फिल्म ‘हाम्रो स्वर्ग’ निर्माण हुने भएको छ । चलचित्रको छायांकन चैत्र अन्तिम साताबाट सुरु हुने बताइएको छ ।
दुई अभिनेता र दुई अभिनेत्रीको मुख्य भुमिका रहने फिल्मका लागि हाल कलाकारको खोजी भइहेको छ । निर्देशक बस्नेतका अनुसार फिल्ममा यार्सागुम्बा टिप्ने मान्छेहरुको कथालाई चित्रण गर्नेछ । कर्णाली प्रदेशबासीको भाषा भेषभुषा र रहनसहनलाई प्रस्तुत गरिने फिल्मले एउटा पृथक र वास्तविक कथा भन्ने निर्माण पक्षले जनाएको छ । फिल्म कर्णाली प्रदेशका १० वटै जिल्लामा छायांकन गरिनेछ ।
एनएसके मिडिया नेपालको व्यानरमा निर्माण हुने फिल्ममा शान्ता शर्माको लगानी रहनेछ । फिल्ममा नवदत्त न्यौपानको संगीत रहँदा रामकृष्ण बुड्थापाको कथा रहनेछ ।
