‘कृष्ण लीला’ले तोक्यो नयाँ मिति, कृष्ण जन्माष्टमीमा दर्शकमाझ
पुष्प खड्का स्टारर फिल्म ‘कृष्ण लीला’ निर्माण टिमले नयाँ प्रदर्शन मिति घोषणा गरेको छ । मंगलबार निर्देशक दीपक वलीले सामाजिक संजालमार्फत आउँदो भदौ ३ गते फिल्मलाई प्रदर्शन गर्ने घोषणा गरेका हुन् ।
कोरोना कहरका बीच रिलिज घोषणा गरेर गतवर्ष प्रदर्शन हुन नसकेको यो फिल्मले कृष्ण जन्माष्ठमीको अबसरमा उक्त मितिलाई रिलिज जुराएको हो । फिल्ममा पुष्पसँगै श्रद्धा क्षेत्री मुख्य भुमिकामा छन् ।
फिल्ममा पुष्प र श्रद्धाका साथमा बुद्धि तामाङ, रबिन्द्र झा, भावना गुरुङ, नवीन रेग्मी, हिउँवाला गौतम, आयुष गुरागाई लगायतको अभिनय छ । यो फिल्ममा शिव ढकालको छायांकन समावेश छ भने सम्पादनमा अर्जुन जिसी छन् । अर्जुन पोखरेलको संगीत रहेको यो फिल्मको कथा लक्ष्मण सुवेदीको हो । रोहित कट्टेलको प्रस्तुतिमा तयार भएको फिल्मका कार्यकारी निर्माता रत्न श्रेष्ठ हुन् । आर आर फिल्मस् को ब्यानरमा फिल्म बनेको हो ।
