दशैंमा ‘परदेशी २’

ब्लकवस्टर फिल्म ‘परदेशी’को सिक्वेल ‘परदेशी २’ आगामी वर्षको दशैंमा प्रदर्शन हुने पक्का भएको छ । निर्माण टिमले पोस्टर सार्वजनिक गर्दै आगामी दशैं रिलिज कन्फर्म गरेको हो ।

सार्वजनिक पोस्टरमा मुख्य कलाकारहरु फिचर्ड छन् । सबै कलाकारलाई निराश मुद्रामा देख्न सकिन्छ । दीलिप रायमाझी, केकी अधिकारी, प्रशान्त तामाङ, वर्षा शिवाकोटी, प्रकाश सपुत फिल्ममा लिड अभिनयमा छन् ।

नारायण रायमाझीको निर्देशनमा बनेको फिल्मले परदेशीको कथा बोल्नेछ । रायमाझीसँग राजेश वंशलले निर्माणमा साझेदारी गरेका छन् । परदेशीले चाडपर्वमा आफ्नो गाउँ, परिवारलाई अझ बढी सम्झिने भएकोले पर्वकै समयलाई प्रदर्शन तोकेको निर्माण टिमले बताएको छ ।