प्रदीपको जन्मदिनमा ‘प्रकाश’ रिलिज घोषणा, फर्स्टलुक सार्वजनिक
अभिनेता प्रदीप खड्काको जन्मदिन पारेर निर्माण टिमले उनको अपकमिङ फिल्म ‘प्रकाश’को प्रदर्शन मिति घोषणा भएको छ । बिहिबार फर्स्टलुक पोस्टर सार्वजनिक गर्दै निर्माण ब्यानर विनिश इन्टरटेन्मेन्टले फिल्म आगामी भाद्र १० मा प्रदर्शनमा आउने घोषणा गरेको हो ।
सार्वजनिक पोस्टरमा प्रदीपसँगै अभिनेत्री दीपा मास्के फिचर्ड छिन् । एक गाउँले सामान्य युवकको रुपमा प्रदीपलाई उतारिएको छ । दीया पनि पश्चिमेली गाउँले अबतारमा देखिन्छिन् । पोस्टरले प्रदीप र दीयालाई आमाछोराको छनक दिन्छ ।
हालसम्म अभिनय गरेका सबै फिल्मभन्दा भिन्न गेटअपमा देखिएका प्रदीपको लागी यो नयाँ अबतार आफैमा च्यालेन्जिङ छ । फिल्मलाई दिनेश राउतले निर्देशन गरेका छन् । जुम्लामा फिल्मको छायांकन गरिएको हो ।
यो फिल्ममा प्रदीप र दियासँगै रेनु योगी, प्रकाश घिमिरे, पवित्रा खड्का, निरज पन्थी, रामबाबु रेग्मी, लोकेन्द्र लेखक लगायत अभिनयमा छन् । महेन्द्र अधिकारीले निर्माण गरेको फिल्ममा राजेश श्रेष्ठको छायांकन र जीवन थापाको सम्पादन छ । विकाश सुवेदीको लेखनमा फिल्म तयार भएको हो । रोहित कट्टेल र रत्न श्रेष्ठको आर आर फिल्मस् ले यो फिल्मलाई वितरण गर्नेछ ।
