‘हेल्लो जीन्दगी’को ‘कता कता’मा बिक्रमसँग रोमान्टिक दीपिका |भिडियो
आगामी चैत्र ११ गतेलाई प्रदर्शन मिति तय गरेर प्रचारमा उत्रिएको फिल्म ‘हेल्लो जीन्दगी’को रोमान्टिक नम्बर रिलिज भएको छ । बुधबार सार्वजनिक गरिएको ‘कता कता’ बोलको गीतमा लिड हभिनेता बिक्रम जोशी र अभिनेत्री दीपिका प्रसाइँ फिचर्ड छन् ।
प्रताप दास र प्रविशा अधिकारीको स्वर रहेको गीतमा लण्डनका विभिन्न सुन्दर दृश्यहरु समावेश छन् । गीतमा संगीत एलिश कार्कीको छ भने शब्द निर्देशक स्वयंम एभरेष्ट सुर्य बोहराले लेखेका छन् । कोरियोग्राफी विष्णु देभाको छ ।
पुरुषोत्तम प्रधानले छायांकन गरेको यो फिल्ममा सम्पादन मित्र डि. गुरुङको छ । बिक्रम र दीपिकासँगै प्रियंका कार्की,विक्रान्त बस्नेत, विल्सनबिक्रम राई, निर्देशक बोहरालगायत लिड अभिनयमा रहेको फिल्मलाई आर आर फिल्मस् ले वितरणको जिम्मा लिएको छ । बोहराकै लेखन रहेको फिल्मलाई सिर्जना जोशी, हिरल जोशी र बिक्रम डि. जोशीले निर्माण गरेका हुन् । सुदिप कुवंर र एलिश अधिकारी मुख्य सहायक निर्देशक छन् ।
