रविन तामाङको स्वरमा ‘चिसो एष्ट्रे’को शीर्ष गीत सार्वजनिक |भिडियो
फिल्म ‘चिसो एष्ट्रे’को शीर्ष गीत रिलिज भएको छ । शीर्ष अभिनयमा रहेका गायक रविन तामाङको स्वरमा यो फिल्मको गीत रिलिज गरियो ।
उनकै शब्द तथा संगीत रहेको फिल्मको शीर्ष गीत गत शुक्रबार नेपाल फिल्म क्याम्पसका विद्यार्थीबीच सार्वजनिक गरिएको थियो । अंग्रेजीमा गाइएको ‘चिसो एष्ट्रे’ बोलको गीतले युवाहरुको जीवन शैलीलाई अभिव्यक्त गरेको छ ।
गीत सार्वजनिक कार्यक्रममा उपस्थित तामाङले फिल्मले देखाउन खोजेको कुरालाई गीतले सार संक्षेपमा व्यक्त गर्ने प्रयास गरेको बताए ।
‘दिनेशले बनाएको फिल्मलाई मैले गीतमा समअप गरेको हो । धेरैपछि आफ्नो गीत सार्वजनिक हुँदा एक्साइटेड फिल गरिरहेको छु’ उनले भने ।
फिल्मको टिम र फिल्म कलेजका विद्यार्थीबीच अन्तक्र्रिया पनि भएको थियो । विद्यार्थी माझ अन्तक्र्रिया गर्दै टिमले आफूहरुले सहरसँग लय मिलाउन नसक्ने युवाको कथालाई पर्दामा उतार्ने जमर्को गरेको बताएका थिए । फिल्म होलीको भोलिपल्ट अर्थात चैत ४ मा रिलिज हुँदैछ ।
