‘म’ फ्लोरमा पुग्दा नरेनको इन्ट्रि
सुवर्ण थापाको निर्देशनमा बन्दै गरेको फिल्म ‘म’मा अभिनेता नरेन खड्काको इन्ट्रि भएको छ । सोमबारदेखि काठमाडौमा सुटिङ सुरु भएको यो फिल्म निर्माण टिमले फ्लोर पुग्दैगर्दा नरेनलाई भित्र्याएको हो ।
केहि हप्ता पहिले ‘बुलाकी’ नामको फिल्मको छायांकन सकेर काठमाडौं फर्केका नरेन छबिराज प्रोडक्सनको ‘हमेशा’बाट डेब्यू गरेका अभिनेता हुन् । आधा दर्जनबढि फिल्ममा हभिनय गरिसकेका नरेनले विभिन्न विज्ञापनहरुमा पनि मोडलिङ गरेका छन् ।
कान्तिपुर फिल्म एकेडेमीको प्रस्तुति रहेको ‘म’ को निर्माण घोषणा दुई बर्ष अघिनै भएको थियो । कोरोना भाइरसका कारण संसारै ठप्प भएकाले केही दृश्य खिचिएको भए तापनि सो फिल्मको सुटिङ पूरा भएन । अहिले पूरै नयाँ कलाकार तथा प्राबिधिकका साथमा ‘म’ को सुरुदेखिनै सुटिङ थालीएको छ ।
एकेडेमीका सिइओ प्रकाश पुरीको लेखन रहेको फिल्ममा यसअघि नै सविन श्रेष्ठ, निशा अधिकारी,सरोज खनाल, सरिता लामीछाने, रुविना थापा, प्रमोद अग्रहरि, निराजन प्रधान अनुबन्ध भइसकेका छन् । विमला गुरागाइँ फिल्मकी निर्मात्री हुन् ।
