चर्चित र्यापर ‘लाउरे’ पोखराबाट पक्राउ
लागु औषध कारोबारको आरोपमा चर्चित र्यापर आशिष राना ‘लाउरे’ लाई प्रहरीले पक्राउ गरेको छ । बुधबार पोखराबाट उनलाई जिल्ला प्रहरी कास्कीको टोलीले पक्राउ गरेको हो ।
फिल्मीनेपालसँगको कुराकानीमा जिल्ला प्रहरी कास्कीका डिएसपी सुन्दर तिवारीले ‘लाउरे’ पक्राउको पुष्टि गरे । लागुऔषध कारोबारको सञ्जालमा मुछिएपछि लाहुरेसहित चार जनालाई पक्राउ गरि अनुसन्धान अघि बढाइएको उनले बताए ।
बिहिबार (आज) सार्वजनिक विदा परेको कारण भोलीबाट मात्रै अनुसन्धानको प्रक्रिया अघि बढ्ने डिएसपी तिवारीले बताए । ‘हामी अनुसन्धानको क्रममा छौं, विदाको दिन परेकोले थप केहि भन्ने अवस्था रहेन, उहाँ हिरासतमा हुनुहुन्छ तिवारीले भने, ‘अन्तिम निष्कर्षमा पुगेपछि प्रेसमिट गरेरै विस्तृत विवरण बाहिर ल्याउँछौं ।’
श्रोतका अनुसार उनीमाथि ब्राउन सुगर कारोबार गरेको आरोप लागेको छ । तिवारीले भने यो विषयमा थप कुरा बताउन चाहेनन् ।
तश्विर श्रोतः गूगल
