सरलाको शब्दमा राष्ट्रप्रेम खोज्दै पल र प्रमोद |भिडियो

रचनाकार सरला श्रेष्ठको शब्द समावेश राष्ट्रभाव बोकेको गीत ‘विदेश’ सार्वजनिक भएको छ । जिविकोपार्जनको लागि कर्म गर्न विदेशिन बाध्य एक युवकले मातृभुमी सम्झेर व्यक्त गरेका भावहरु श्रेष्ठले शब्द मार्फत गीतमा उतारेकी छन् ।

‘विदेशको यो माटोमा देशको माया बोकेर…’ बोलको गीतका शब्दहरु देशप्रेमले ओतप्रोत छन् । कृति न्यौपाने (दिवाकर शर्मा)ले सरलाका शब्दमा संगीत भर्दा गीतमा स्वर प्रमोद खरेलले दिएका छन् । पछिल्लो समय सरला र कृतिको सहकार्यमा सार्वजनिक गीतहरु संगीतप्रेमीहरुको मन जित्न सफल छन् । यो गीतमा पुरुषोत्तम सुवेदीको एरेञ्ज छ ।

सुब्रतराज आचार्यको निर्देशनमा तयार गीतको भिडियोमा अभिनेता पल शाह फिचर्ड छन् । पलसँगै भिडियोभित्र सुवर्णजंग श्रेष्ठ र तुलसीदेवी श्रेष्ठको विशेष उपस्थिति देख्न सकिन्छ । विकास दाहालले सम्पादन गरेको भिडियोमा छायांकन उत्सव दाहालको छ । आइतबार सार्वजनिक गीतले इनिसियल फेजमा दर्शकबाट सकारात्मक प्रतिक्रिया पाइसकेको छ ।

भिडियो हेर्नुहोसः

https://youtu.be/nQfHwPzpMhw