रेवतको स्वरमा लोकप्रियता बढाउँदै ‘तिमी तारे भीर’ |भिडियो

रेवत राईको स्वरमा सदाबहार गीत ‘तिमी तारे भीर’को अफिसियल ‘मेल भर्सन’ सार्वजनिक भएको छ । रिलिजको एक दिनमै गीत र भिडियोले लोकप्रियता बढाएको छ । रेवतको आफ्नै च्यानलमा अपलोड गरिएको गीत पाँच लाख बढिले हेरिसकेका छन् ।

भिडियोमा अभिनेता दयाहाङ राई र अभिनेत्री मिरुना मगरको जोडीलाई फिचर्ड गरिएको छ । दुबै कलाकारको जीवन्त अभिनय भिडियोमा देख्न सकिन्छ । गीतका शब्द श्रवण मुकारुङका हुन् । शान्तिराम राईको संगीत कम्पोज रहेको गीत पछिल्लो केहि बर्षयता संगीत पारखीहरुको मुखमा निरन्तर झुण्डिन सफल छ ।

गीतको भिडियोतर्फ अनिल रानाको सम्पादन छ भने निर्देशन तथा कथा प्रस्तुति किरण चाम्लिङ राईको छ । रेवन राईको निर्माणमा बनेको भिडियोमा छायांकन भुपेन्द्र तुम्बाहङ्प्हेको छ ।