‘चपली हाइट ३’ ट्रेलर रिलिज |भिडियो

फिल्म ‘चपली हाइट ३’ निर्माण टिमले ट्रेलर सार्वजनिक गरेको छ । यो फिल्म २०१२ मा निर्माण भएको ‘चपली हाइट’को तेस्रो सिक्वेल हो । अर्जुनकुमार फिल्मका प्रस्तुतकर्ता हुन् ।

सार्वजनिक ट्रेलरमा ‘क्राइम सस्पेक्ट’ देख्न सकिन्छ । मुख्यतः सबैजसो लिड कलाकार ट्रेलरमा फिचर्ड छन् । स्वस्तिमा खड्का, आमिर गौतम, सुपुष्पा भट्ट, महेश त्रिपाठी, प्रतिकमान श्रेष्ठ, अर्पण थापा, दीपाश्री निरौंला, लक्ष्मी बर्देवा, जीवन भट्टराई लगायत फिल्ममा लिड अभिनयमा छन् ।

निकेश खड्काको निर्देशनमा बनेको फिल्म आगामी पौष २ गतेबाट दर्शकमाझ आउँदैछ । फिल्ममा पुरुषोत्तम प्रधानको छायांकन तथा दिर्घ खड्काको सम्पादन छ । फिल्मको कथा तथा संवाद आकाश बरालले लेखेका हुन् । कोरोना कालपछि हलमा दर्शक फर्किने माहोल बनेसँगै नेपाली मेकरहरु फिल्म रिलिजको लागि जुटिरहेका छन् ।

https://youtu.be/qccU2G7_Bu0