लक्ष्मणको एक्सन कटमा सायासँग नरेनले साटे ‘गहना’ |भिडियो

संचारकर्मी लक्ष्मण सुवेदीद्वारा निर्देशित लघु फिल्म ‘गहना’ सार्वजनिक भएको छ। पारिवारिक कथा बोल्ने उक्त सर्टफिल्म हालै डिजिटल रिलिज गरिएको हो ।

पतिपत्नीको घरायसी समस्यालाई मुख्य विषय बनाइएको फिल्ममा बेरोजगारी, आर्थिक अभाव र सामाजिक देखासिकीको पाटोलाई प्रस्तुत गरिएको छ। गहना नहुँदा माइत जान नसकेकी पत्नीका लागि पतिले कतिसम्म जोखिम मोल्न तयार हुन्छन् भन्ने विषय फिल्मको मुख्य थीम हो ।

पहिलो भागमा सस्पेन्स छोडिएको सिनेमाको तेश्रो भागसम्म निर्माण हुने निर्देशक सुवेदीले बताए । करिब ३२ मिनेट लामो सिनेमाको स्क्रिप्ट निर्देशक सुवेदीले आफैले तयार पारेका हुन्।

फिल्मको मुख्य भूमिकामा अभिनेता नरेन खड्का, साया भण्डारी र पुरन थापा छन् । दिलासा कृएसनको ब्यानरमा श्रीदेवी, दिलासा र सारा सुवेदी निर्माता रहेको ‘गहना’ काठमाडौं आसपासमै खिचिएको हो। विमल ढकालले खिचेको फिल्ममा ललीतसिंह साउदको सम्पादन छ ।

https://youtu.be/6cAePWY-c88