आफ्नै स्वरमा रेस्लर भगवतीले ल्याइन ‘हामी खस क्षेत्री’ |भिडियो

नेपालकी पहिलो महिला रेस्लर भगवती खड्का ‘युनिका’ कलाकारितामा पनि उत्तिकै सकृय छिन् । हट्टकट्ट जिउडाल भएकी भगवती रेस्लिङको ‘रिङ’मा अब्बल बन्छिन् । उनलाई पराजित गर्न धेरैलाई मुश्किल पर्छ । रिङबाहिर फिल्म अभिनय र गायनमा पनि उनको उपस्थिति बलियो छ ।

हालै भगवतीले नेपाली क्षेत्री समुदायको प्रतिनिधित्व गर्ने भन्दै एक गीत सार्वजनिक गरेकी छिन् । आफ्नै गायन र युट्युवमा आफ्नै च्यानलमा अपलोड गरिएको उक्त गीतमा नेपालको एकिकरणदेखि हालसम्म क्षेत्रीहरुले देखाएको वीरताको वर्णन गरिएको छ । गीतका शब्द जिबी क्षेत्रीले लेखेका हुन् ।

गीतमा विकाश चौधरीले संगीत भरेका छन् । भगवती स्वयंम फिचर्ड गीतको भिडियोमा निर्देशन पनि भगवती र जिबीको नै छ । भिडियोलाई वीरबहादुर थारुले सम्पादन गरेका छन् ।

https://youtu.be/rmOLiOpOMU4