सौगात र अनुपबिक्रम स्टारर ‘जार’: फर्स्टलुक पोस्टर रिलिज
भर्सटाइल अभिनेता सौगात मल्ल र अनुपबिक्रम शाही स्टारर फिल्म ‘जार’को फर्स्टलुक पोस्टर रिलिज गरिएको छ । यथार्थपरक कथामा आधारिक रहेर निर्माण गरिएको भनिएको यो फिल्मको सार्वजनिक पोस्टरमा लिड अभिनेत्री गिताञ्जली थापालाई केन्द्रमा राखिएको छ भने सौगात र अनुपलाई क्यारेक्टर लुक्समा देखाइएको छ । फिल्मको केन्द्रिय द्वन्द्व नै महिला पात्र हो ।
सम्पुर्ण छायांकन सिक्किममा गरिएको यो फिल्मले सन् १८ सयको दशक अन्त्यतिर सिक्किमेली समाजमा घटेको एक यथार्थ घटनालाई बोल्नेछ । गिताञ्जली भारतमा राष्ट्रिय अवार्ड विजेता अभिनेत्री हुन् । उल्लेखित तीन पात्रको वरिपरी नै फिल्मको कथा घुम्नेछ ।
फुर्वा छिरिङ लामाको निर्देशन रहेको यो फिल्मको छायांकन गत अप्रिलमा सम्पन्न भएको थियो । ‘जार’को कथा इन्द्र बहादुर राईले लेखेका हुन् । फेर्री टेल फिक्चर्सले होप रिल एण्ड एलए सर्ट्सको सहकार्यमा यो फिल्म निर्माण गरेको हो ।
फिल्ममा झुमा लिम्बु र गंगा थापाको संगीत छ भने सम्पादन अखिलेश राईको छ ।
फिल्मको छायांकनदेखि सम्पादनसम्मको सम्पुर्ण प्राविधिक काममा भारतिय टिम संलग्न छ । केहि समयपछि टिजर रिलिज गरेर फिल्मको प्रदर्शन मिति सार्वजनिक गर्ने निर्माण टिमले बताएको छ ।
