शुक्रबारबाट दर्शकमाझ आयो टेलिफिल्म ‘चल्दैछ’
कमेडी जनराको टेलिफिल्म ‘चल्दैछ’ प्रसारणमा आएको छ । टेलिफिल्म हरेक शुक्रबार साँझ साढे सात बजे बिएमएचडी र शनिवार दिउँसोबाट बुढासुब्बाको अफिसियल यूट्युव च्यानलमा प्रसारण भइरहेको छ ।
बुढासुब्बा म्युजिक सेन्टरको प्रस्तुतिमा निर्माण भएको टेलिफिल्ममा माधव पण्डित, केशव सापकोटा, शुशीला निरौला (बिमली), अञ्जु रुवाली, मारिया कार्की, पीएल श्रेष्ठ, सुरज महर, प्रतिक गिरीलगायत कलाकारको अभिनय रहेको छ ।
मनीष गौतम र रिवाज दाहालको लेखन, नवराज गिरीको गीत र चेतन सापकोटाको संगीत रहेको टेलिफिल्ममा गौरी मल्ल र चेतन सापकोटाको स्वर, किरण गिरीको सम्पादन, सम्राट थापाको पार्श्व संगीत, श्रीकृष्ण श्रेष्ठको मोसन ग्राफिक्स र रंग तथा विशाल प्रजापतिको छायांकन छ ।
नवराज गिरी र सरस्वती गिरी निर्माता रहेको टेलिफिल्ममा रत्न जोशीको निर्देशन छ । बुढासुब्बा ओर्जिनलको प्रस्तुतिमा फिल्म ‘डाँडाको वरपीपल’ धमाधम निर्माण भइरहेको छ । यो फिल्ममा शोभित वस्नेतको निर्देशन छ ।
