दिदीबहिनी तीज गीतः दीपाश्रीसँग रजनीको ठूम्का |भिडियो

हिन्दु नारीहरुको महान पर्व हरितालिका तीज नजिकिँदै गर्दा यो चाडलाई लक्षित गरेर गीति भिडियोहरु बाहिरिने क्रम जारी छ । यो बीचमा अभिनेत्री निर्देशक दीपाश्री निरौंलाले तीजको लागि दिदीबहिनीहरुको लागि आफ्नो नयाँ कोशेली बाहिर ल्याएकी छिन् ।

करिब २ हप्ता पहिले ‘सम्झिनी पानी छम्किनी’ बोलको गीतमा अभिनेता भुवन केसीसँग जोडी बाँधेर नाच्दाको चर्चा सेलाउन नपाउँदै उनले आफ्नै निर्देशनमा नयाँ गीत दर्शकमाझ ल्याएकी हुन् । यो गीतमा दीपासँगै ‘परदेशी’ अभिनेत्री रजनी केसीले ठूम्का लगाएकी छिन् भने साथमा कलाकारहरु निर्मल शर्मा, गजित विष्ट पनि सँगै देखिन्छन् । भिडियो भित्र कथ्य शैलीमा कलाकारहरुलाई फिचर्ड गरिएको छ ।

भिडियोमा कोरियोग्राफी गजित बिष्टको छ भने छायांकन राजु केसीले गरेका छन् । टेकेन्द्र शाहले सम्पादन गरेको भिडियोको अडियोतर्फ स्वर शान्तीश्री परियार, लक्ष्मी मल्ल र श्रीकृष्ण बम मल्लको छ । गीतको संगीत तथा शब्द पनि श्रीकृष्णको नै हो ।

https://youtu.be/YH30PDQIjeM