‘लभ सर्कल’ फर्स्टलुक रिलिज, डिस होममा रिलिज हुने
कोरोना महामारीकै बीच गत बर्षको लकडाउनको समयमा छायांकन गरिएको फिल्म ‘लभ सर्कल’को फर्स्टलुक पोस्टर सार्वजनिक गरिएको छ । यो फिल्मलाई बसन्त निरौलाले निर्देशन गरेका छन् ।
‘मि टिभी’को प्रस्तुतिमा निर्माण भएको फिल्मलाई ओम प्रकाश अग्रवाल र रोशन पौडेलले निर्माण गरेका हुन्। कमेडी र सस्पेन्स थ्रिलर जनरामा बनेको फिल्मलाई लकडाउनको समयमा फुर्सदमा रहेका कलाकार तथा प्राविधिकहरु लाई पनि केहि राहत होस् भन्ने उदेश्यका साथ डिजिटल प्लेट फर्ममा मात्र प्रदर्शन गर्ने लक्ष्य सहित निर्माण गरिएको निर्देशक निरौलाले बताए।
फिल्ममा नाजिर हुसेन, मुकुन भुषाल, पवित्रा आचार्य, रबिन्द्र झा, रिस्ता बस्नेत र सुमन कोइरालाको अभिनय रहेको छ । फिल्ममा अंकित बाबु अधिकारीको संगीत, श्रीधर पौडेलको पोस्टर फोटोग्राफी र लेखन अभिमन्यु निरवीको छ । दिव्य सुवेदीले छातयांकन गरेको ‘लभ सर्कल’मा कोरियोग्राफी पवित्रा आचार्यको छ भने सम्पादन शाहिल खान र मिलन श्रेष्ठको रहेको छ । यहि साउन २९ गते बाट चलचित्र डिस होम सिनेमा घर च्यानल नम्बर ५५५ मा प्रदर्शनमा आउने छ ।
