‘जोगिन्दर’को गाइजात्रे कोशेलीः ‘बकम्फुसाय नमः’ |भिडियो

‘गाईजात्रा’ हाँस्य र ब्यङ्ग्यको पर्वको रुपमा लिने गरिन्छ । यो दिनलाई लक्षित गर्दै विभिन्न हास्य ब्यङ्ग्य सामाग्री बजारमा भित्रिँदै छन् । आगामी भदौ ७ गते परेको गाइजात्रालाई लक्षित गर्दै हाँस्य कलाकार शिवशंकर रिजाल ‘जोगिन्दर’ले यो बर्षको लागि आफ्नो गाइजात्रे कमेडी कोसेली ‘बकम्फुसाय नमः’ ल्याएका छन् ।

देशको समसामयिक राजनीतिक, राजनीतिक दल र विकृति विसंगती प्रति तिखो प्रहार गर्दै उनले ‘बकम्फुसाय नमः’ ल्याएका हुन् । रिजालको यो पटकको गाइजात्रे कोसेलीमा पनि एक प्यारोडी गीत सहित र प्रहसन समेटिएको छ । प्रहसनको केन्द्र भने तीन बर्षबढि सरकारमा बसेर बाहिरिएको ओली सरकारको क्रियाकलाप बनेका छन् ।

प्रहसन तथा प्यारोडीको भिडियो पनि बनेको छ । जुन ओएसआर डिजिटलको युट्युब च्यानल मार्फत हालै सार्वजनिक गरिएको छ । दुई दशकदेखि गाइजात्रा पर्वमा नियमित कोसेली ल्याउने गरेका रिजालको यो २० औं कोसेली हो । गतबर्ष उनले ‘लकडाउन’ नामक गाइजात्रे कोसेली ल्याएका थिए ।

हाँस्य कलाकारका लागि गाइजात्रा एउटा महान उत्सव भएकोले लामो समयदेखि गाइजात्रे कोसेली ल्याउने गरेको रिजालले बताए । ‘गत बर्ष मेरो ‘लकडाउन’ नामक गाइजात्रे कोसेली आएको थियो । यो धेरैले हेरे, टिकटक लगायत सामाजिक संजालमा समेत भाइरल भयो’ रिजालले भने ‘म हरेक बर्ष आफ्नो पर्सनल गाइजात्रे कोसेली ल्याउने गरेको छु ।’ अन्य कलाकारसँग मिलेर आउने गाइजात्रे कोसेली पनि आउँने गरेकोर यो बर्ष पनि आउने रिजालले सुनाए ।

रिजालले ‘हुकुम बक्सियोस’ गीतलाई यसमा प्यारोडी मार्फत नेताहरुको रमाईलो प्रस्तुति समेटेका छन् । गाईजात्रे प्रस्तुतिको भिडियोमा रिजालको अलवा दमन रुपाखेती, शशी बिक्रम थापा, घनश्याम गौतम ‘नक्कली प्रचण्ड’, सुरेश तिमल्सिना ‘नक्कली ओली’, सबु लामिछाने, बेदमणी अधिकारी, प्रेम शर्मा पौडेल, श्रेया दुलाल, शिवराम कार्की, धिरेन्द्र सिंह लगायतको अभिनय रहेको छ । गायिका राधिका हमाल भिडियोमा राष्ट्रपतिको भुमिकामा देखिएकी छन् ।

https://youtu.be/-XgijdPvaw0