‘काली’को सफलतापछि एलिनासँग ऐना हेर्दै पुष्पन प्रधान !भिडियो

नेपाली सांगितिक आकाशमा स्थापित नाम पुष्पन प्रधानको स्वरमा गीति भिडियो ‘ऐना हेरि हेरि’ सार्वजनिक भएको छ । गीतको फिमेल भर्सनमा पुष्पनलाई एलिना चौहानले साथ दिएकी छिन् ।

कोरोनाको दोस्रो लहरपुर्व ‘काली’ बोलको गीत ल्याएर चर्चा बढाएका पुष्पनको त्यसपछि सार्वजनिक यो पहिलो गीत हो । शिवराज योगीले लेखेको गीतका शब्दहरु मार्मिक लाग्छन् ।

गीतमा म्युजिक भिम बिसीको छ भने एरेञ्जको काम विश्व अधिकारीले गरेका छन् । भिडियोतर्फ गम्भिर बिष्टको निर्देशन रहँदा नवराज उप्रेतीको छायांकन छ । प्रविण भट्टले सम्पादन गरेको भिडियोमा अनु काफ्ले र आकाश कार्की फिचर्ड छन् । भिडियोमा कोरोना संक्रमणको कारण परिवारमा उत्पन्न परिस्थिति र बिछोडको अवस्थालाई उतारिएको छ ।

https://youtu.be/6vOBN-z5wZs