अभिनेत्री जेनी कुँवरद्वारा आत्महत्या
पुरानी अभिनेत्री जेनी कुँवरले आत्महत्या गरेकी छिन् । वानेश्वर थापागाउँ स्थित आफु बस्दै आएको सनराइज सिटी अपार्टमेन्टमा उनले आत्महत्या गरेको प्रहरीले पुष्टि गरेको छ ।
महानगरीय प्रहरी वृत्त, बानेश्वरका डीएसपी दक्षबहादुर बस्नेतले घटनास्थलबाट मृतक कुँवरको ‘सुसाइड नोट’ प्राप्त भएको फिल्मीनेपाललाई बताए । डिएसपी बस्नेतका अनुसार घटना बिहिबार राती करिब ८ बजेको हो । प्रहरीले यतिबेला घटनास्थल पुगी अनुसन्धान अघि बढाएको छ ।
अपार्टमेन्टको तेस्रो तलामा बस्दै आएकी उनले आफ्नो फ्ल्याटको भान्छाकोठामा नाइलनको डोरीमा झुण्डिएर आत्महत्या गरेको प्रहरीले बताएको छ ।
