रोकिएको ‘कमेडी च्याम्पियन सिजन-२’ प्रसारण पक्का

दोस्रो लहरको कोरोना संक्रमण बढेसँगै रोकिएको टेलिभिजन रियालिटी शो ‘कमेडी च्याम्पियन सिजन-२’को प्रसारण शुक्रबार (आज)देखि शुरु हुने भएको छ । कोरोना महामारीपछिको निषेधाज्ञाको समय ‘शो’ को छायांकन २ महिनादेखि रोकिएको थियो ।

स्वास्थ्य सुरक्षा सावधानी अपनाउँदै को छायांकन गरी प्रसारणमा ल्याउन लागिएको आयोजकले बताएको छ । ‘सिजन २’ मा यसअघि १६ भागसम्म प्रसारण भएको शोमा उत्कृष्ट ९ प्रतियोगीतबीच प्रतिस्पर्धा चलिरहेको छ ।

थ्री प्रोडक्सनको तर्फबाट निर्माण भइको कमेडी च्याम्पियनमा विशाल भण्डारी निर्देशक छन् । कमेडी च्याम्पियनको निर्णायकमा भेट्रान कमेडियन सन्तोष पन्त र मनोज गजुरेलसँगै निर्देशक प्रदीप भट्टराई र अभिनेत्री ऋचा शर्मा छन् ।