करण जोहरसँग रणवीर र आलियाको टिमअप

लकडाउनले थलिएको बलिउड विस्तारै उठ्ने प्रयत्न गर्दैछ । भारतमा कोभिड महामारीले ठुलो रुप लिँदा फिल्म व्यवसाय अस्तव्यस्त छ । धेरै निर्माण कम्पनिहरु ओटिटी प्लेटफर्मको सहायतामा फिल्म रिलिज गरिरहेका छन् ।

यो बीचमा फिल्म मेकर करण जोहर भने नयाँ फिल्म छायांकनको तयारीमा छन् । मे महिना मै फ्लोरमा जाने गरी करणले तयारी थालेका थिए । रोमान्टिक कमेडी जनरामा बन्ने उक्त फिल्मको नाम ‘प्रेम कहानी’ राखिएको बलिउड हंगामाले लेखेको छ ।

पुर्न अपोजिट क्यारेक्टरको प्रेम कहानी रहने भनिएको फिल्ममा स्टार कलाकारहरु रणवीर सिंह र आलिया भट्ट पक्का भएको उक्त अनलाइनले उल्लेख गरेको छ ।