‘भ्वाइस अफ नेपाल’ प्रसारण नहुने

कोरोना महामारीका बीच पनि गत हप्तासम्म प्रसारण जारी रहेको गायन रियालिटी शो ‘दि भ्वाइस अफ नेपाल’को तेस्रो सिजनको प्रसारण रोकिएको छ । हरेक हप्ताको शुक्रबार र शनिबार टेलिभिजनमा प्रसारण हुँदै आइरहेको ‘भ्वाइस अफ नेपाल’ यो हप्ता प्रसारण नहुने भएको हो ।

शो निर्माण टिमले विज्ञप्ति सार्वजनिक गर्दै ‘कसैको जीवन र स्वास्थ्य नै सबैभन्दा ठुलो’ भन्ने कुरालाई प्राथमिकता दिँदै आफुहरु यो हप्ता कुनै पनि छायांकन र कार्यक्रम निर्माण गर्न सक्षम नरहेको जनाएको छ ।’ टिमले आफ्नो टिम सबैजना सेल्फ आइसोलेसनमा बस्ने निर्णय गरेको भन्दै दर्शकप्रति क्षमा मागेको च ।

समय र परिस्थिति बलवान भएको खण्डमा अर्को हप्ताबाट नियमित इपिसियोड दर्शकमाझ ल्याउने विज्ञप्तिमा उल्लेख छ ।