अक्सिजन किन्न नाजिरले गरे एक लाख सहयोग
कोरोना महामारीमासँगै देशमा अक्सिजन अभावका खबरहरु बाहिर आइरहँदा सरकारसँगै विभिन्न संस्था, व्याक्ति यसको जोहोको लागी लडिरहेका छन् । अक्सिजन अभावकै कारण दिनहुँ ज्यान गुमाउनेको संख्या बढिरहेका समाचार आइरहँदा महावीर पुनः जस्ता अभियन्ताहरु यसको अभाव खड्किन नदिन लागिरहेका छन् ।
यो बीचमा महावीर पुनःलाई साथ दिँदै अभिनेता नाजिर हुसैनले राष्ट्रिय आविस्कार केन्द्रलाई १ लाख नगद सहयोग गरेका छन् । आफ्नो सानो प्रयासले कसैको जीवन रक्षा हुन्छ भने त्यसको लागी अग्रसर हुन नाजिरको आग्रह छ । महावीरले संचालन गरेको राष्ट्रिय आविष्कार केन्द्र यतिवेला अक्सिजन सहयोगका लागी काम गरिरहेको छ।
नाजिर भन्छन्, ‘ हामी सवैले आफुले सकेको सहयोग गर्ने हो। मैले मेरो तर्फबाट गरेको यो सानो सहयोगले कोहि कसैको जीवन बच्नका लागी मद्दत मिल्छ भनेर अपेक्षा गरेको छु।’ नाजिर जस्तै अन्य कलाकारहरु निखिल उप्रेती, पल शाह, पुष्प खड्का लगायत सामाजिक भावका साथ सहयोगी मन बोकेर पीडीतहरुको घाउमा मल्हम लगाउन लागिपरिरहेका छन् ।
-मदन रिजालको सहयोगमा
