शिल्पाको ‘ज्यानलाई खतरा’ ! भिडियो

अभिनेत्री शिल्पा पोखरेल स्टारर गीति भिडियो ‘ज्यानलाई भो खतरा’ सार्वजनिक भएको छ । सम्झना उप्रेती रौनियारको निर्देशनमा तयार उक्त गीतको भिडियोमा शिल्पाले रविन्द्र रिमालसँग जोडी बाँधेकी छिन् ।

बिक्रमजंग शाह र अञ्जु पन्तको स्वर समावेश उक्त गीतमा संगीत सुवाष भुसालको छ । गीतको शब्द लेखु सहयात्रीले रचना गरेका हुन् । रोमान्टिक नम्बर भनिएको गीतमा एरेञ्ज पुरुषोत्तम सुवेदीको छ ।

मुस्ताङका विभिन्न रमणीय स्थानमा छायांकन गरिएको भिडियोको कन्सेप्ट मनोज केसीको हो । भिडियोमा कोरियोग्राफी गोविन्द राईले गरेका छन् । रामेश्वर हुमागाइँको छायांकन रहेको भिडियोमा भरत रेग्मीको सम्पादन छ ।

यसैबीच निर्माण ब्यानर सवस्त इन्टरटेन्मेन्टले टिमटक प्रयोगकर्ताहरुको लागी अबसर प्रदान गर्दै उत्कृष्ट टिकटक निर्माण गर्ने मध्येको एक जनालाई गीतको सिक्वेल भिडियोमा मोडलिङको अबसर दिने भएको छ । गायक शाहका अनुसार गीतमा टिकटक बनाउनेहरुले ‘ज्यानलाई खतरा’ ह्यासट्याग राख्नुपर्नेछ । त्यसमध्येबाट एकलाई उत्कृष्ट घोषित गरिने बताइएको छ ।

https://youtu.be/Mb4CV3homC4