अष्ट्रेलियाबाट सार्वजनिक भयो नेपाली ‘डन’
पछिल्लो समय डायस्पोरामा नेपाली म्युजिक भिडियोहरु बन्ने क्रम तिब्र छ । यो प्रसंग आउँदै गर्दा सबैभन्दा अघि आउने देश हो ‘अष्ट्रेलिया’ । अष्ट्रेलियामा छायांकन भएको पछिल्लो गीति भिडियो ‘डन’ सार्वजनिक भएको छ ।
राजु कानको निर्देशनमा सशान कंडेल र विनय कार्कीको स्वर रहेको गीत ‘डन’को भिडियो युट्युव रिलिज गरिएको हो । गीतमा महेश ज्ञवालीको शब्द र संगीत समावेश छ ।
गीतको भिडियोमा राजु कान, देव नेपाली ,प्रतिभा महर्जन र हिलारी रावलको अभिनय छ । सम्पुर्ण छायांकन अष्ट्रेलियामा गरिएको भिडियोमा कृष्ण सुवेदीको सिनेमाटोग्राफी र विकास दाहालको सम्पादन रहेको छ ।
